Атамбаев: ким өз аскерин бага албаса, ал башка аскерди багат

Жазылуу
Өлкө башчысы кийинки жылдары чек ара аскерин материалдык-техникалык жабдууну жакшыртуу, чек арачылардын эмгек акысын жогорулатып, аларды социалдык жактан коргоону жакшыртуу боюнча көп иштер жасалып жаткандыгын белгиледи.

БИШКЕК, 29-авг. — Sputnik. Өлкө башчысы мамлекеттик чек ара кызматынын аскер кызматчыларына турак үйдүн батирлеринин ачкычтарын тапшыруу аземине катышты. Бул тууралуу президенттин маалымат кызматы билдирди. 

Мамлекет башчысы жаңы батирлүү болушкан аскер кызматчыларынын 20 үй-бүлөсүн жаңы конуштуу болушу менен куттуктады. 

Өлкө башчысы кийинки жылдары чек ара аскерин материалдык-техникалык жабдууну жакшыртуу, чек арачылардын эмгек акысын жогорулатып, аларды социалдык жактан коргоону жакшыртуу боюнча көп иштер жасалып жаткандыгын белгиледи. 

"Сентябрь, октябрь айларында жана келерки жылы да жаңы үйлөрдү куруу жана батирлердин ачкычтарын тапшыруу уланат. Акыркы жылдары биз күч тутумдары, анын ичинен чек арачылар үчүн акча аябоо керек экендигин түшүндүрө алдык. Ким өз аскерин бага албаса, ал башка аскерди багат", — деп билдирди Атамбаев.

Аскер эс алуу кези. Архив - Sputnik Кыргызстан
Аскерге милдеттүү жарандар маалыматы электрондук базага киргизилет
Президент чек ара мамлекеттик кызматынын аскер кызматчылары катаал шарттарда: алыскы чек ара буктурмаларында, күнү-түнү менен, ысык-суукта тынчтыкты жана жарандарыбыздын бейпилдигин сактоодо кызмат кылышарын белгиледи.

Президент жаңы үйдүн жанында балдар аянтчасын куруу жана спорт шаймандарын сатып алуу үчүн Мамлекеттик чек ара кызматынын төрагасы Раимберди Дүйшөнбиевге 500 миң сомдук сертификат тапшырды.

Жаңылыктар түрмөгү
0