БИШКЕК, 28-авг. — Sputnik. Чүй облусунда чек араны бузган Түркиянын жараны кармалганын Мамлекеттик чек ара кызматы билдирет.
Маалыматка ылайык, аталган жаран үстүбүздөгү жылдын 27-августунда Казакстандын аймагында орнотулган инженердик-техникалык курулуштардан өтүп, Кыргызстанга Чу дарыясы аркылуу өтүп келген учурунда кармалган.
Текшерүү учурунда түркиялык жарандын Казакстанда жүрүү мөөнөтү аяктаганы аныкталган.
Тийиштүү документтер толтурулгандан кийин чек арадан мыйзамсыз өтүүгө аракет кылган жаран УКМК кызматкерлерине өткөрүлүп берилди.
