Нарын шаарындагы жолдор 114 чакырымды түзөт. Быйыл анын 55 чакырымы оңдолду. Ремонт иштерин текшерүүдөн өткөргөн өкмөт башчысы бул иштерге Бишкек — Нарын — Торугарт унаа жолунун курулушунан үнөмдөлгөн каражаттын эсебинен кошумча акча бөлүнөрүн билдирди. Мындан тышкары, шаарга кире бериш жерде 13 чакырым жол курула турганы маалым болду.
Иш сапарынын алкагында Сариев Бишкек — Нарын — Торугарт унаа жолунун реконструкцияланышы менен таанышты. Маалыматка ылайык, учурда 479 куб метр жер иштери аяктаган. Курулуштан улам Долон ашуусунун бийиктиги 13 метрге төмөндөдү.
Өкмөт башчысы курулуш жана оңдоо иштерин суук түшкүчө аяктоо керектигин кошумчалады.
