БИШКЕК, 15-авг. — Sputnik. Премьер-министр Темир Сариев Нарын облусуна жасаган иш сапары учурунда курулуп жаткан жолдордун абалы менен таанышты.
Учурда реконструкцияланып жаткан Бишкек – Нарын – Торугарт автожолунда подрядчылар тарабынан учурда 479 кубометр иш жасалган. Жыйынтыгында, Долон ашуусунун бийиктиги 13 метрге түшкөн. Андан сырткары, 26 чакырымдын астыңкы катмары жана асфальт-бетон менен капталган 8 чакырымдын үстүңкү катмары 8 метр кеңейтилген.
Премьер Транспорт жана байланыш министрлигине долбоорго кирбеген дагы 13 оңдоого тапшырма берди.
"Суук түшкөнгө чейин курулушту бүткөрүү керек. Албетте, муну менен катар эле оңдолуп жаткан жолдун сапатына көңүл буруу маанилүү",— деди Темир Сариев.
Учурда Сариев Нарын облусунда иш сапары менен жүрөт.
