БИШКЕК, 13-авг. — Sputnik. Эл аралык сологойлор күнү биринчи жолу 1992-жылы 13-августта британиялык Сологойлор клубунун демилгеси менен белгиленген.
Бактыга жараша, сологой окуучуларды оң колу менен жазууга мажбурлабай калышкан, бирок "туура эмес" баланы оңдоого аракет кылган ата-энелер, мугалимдер менен тарбиячылар азыр да кездешет. Кесиби психолог, Бишкекте сологойлор клубунун негиздөөчүсү Наталья Копаница бул такыр туура эмес деп эсептейт, себеби балдарга психологиялык стресс жаратып, алардын окуудагы жетишүүсүн төмөндөтөт.
"Сологойлорду эч качан оң кол менен кармоого мажбурлап жана үйрөтпөш керек, алардын сезгичтигин жана жөндөмүн өрчүтүүгө гана көмөк көрсөтүү зарыл", — дейт психолог Наталья Копаница.
Хиромант Олимпия Сковоронскаянын айтымында, талантуу жана бөтөнчө шыктарга ээ адамдардын саны сологойлордун арасында оң колу менен иштегендерге караганда бир топ жогору. Сологой баланы оң колу менен иштөөгө үйрөтөм деп, анын жөндөм-шыгын таптакыр басып саласыз. Мындайча айтканда, сиз өзүңүздө же балаңыздан келечектин Моцартты или Малевичин өлтүрүп алышыңыз толук мүмкүн.
Азыркы дүйнө баарын сол колу менен кылуучуларга ылайыкташылган. Жазуу каражаттары жана ашкана шаймандары, эшик-кулпулар, компьютердин "мышкасы" жана башка көп нерселер алар үчүн жасалган. Жада калса, хироманттар да болочок тагдырыңды оң колуңа карап айтып беришет.
Олимпия Сковоронскаянын сөзүнө караганда, өзүнүн жаркын келечегин билүүнү каалагандардын арасынан 10 пайызы анык сологойлор, 15 пайызы совет убагында оң колуна үйрөтүлгөндөр жана дагы 5 пайызы эки колу менен тең бирдей жакшы иштей алгандар.
"Жашоо сызыгынын узундугу сиз сологой же сологой эместигиңизге жараша болбойт. Ал эми тамекиге же ичимдикке жакындыгыңыз, эркиңиздин боштугу алаканыңыздагы жашоо жолуңуз кокус кыскарып калышына себеп болушу мүмкүн", — деди Сковоронская.
Демек, ойлоно турган жагдайлар көп экен. Баары ар бир адамдын өзүнүн колунда.
