БИШКЕК, 12-авг. — Sputnik. "Ак-Жол" текшерип-өткөрүү пункту бүгүн эртең мененки саат 8-00дөн 13:00гө чейин жарандар, автотранспорт жана жүк ташуучу унаалар үчүн убактылуу жабылат. Бул тууралуу Мамлекеттик чек ара кызматы билдирди.
Чек ара кызматынын маалыматына ылайык, жарандар кыргыз-казак чек арасын "Актилек", "Чалдыбар", "Токмок" жана "Кең-Булуң" тешерип-өткөрүү пунктарынан өтө алат.
Эл аралык "Актилек" текшерип-өткөрүү жайы Ысык-Ата районуда Чу суу каналынын түштүк жээгинде (Хун-Чи айылынын түндүк тарабында көпүрөнүн жанында) жайгашкан.
"Чалдыбар" текшерип-өткөрүү жайы Чуй облусунун Ысык-Ата районунда Чалдыбар айылынын батыш тарабында (Бишкек – Тараз жолунда 98 км.) жайгашкан.
Эки тараптуу "Токмок" текшерип-өткөрүү жайы Чүй облусунун Чүй районунда (Бишкек-Кемин жолунун 63 км.) жайгашкан.
Бүгүн Кыргызстан менен Казакстандын чек арасындагы бажы тосмолору алынат. Бул салтанаттуу иш-чарага жеринен КР премьер-министри Темир Сариев жана Казакстандын премьер-министринин биринчи орун басары Бахытжан Сагинтаев катышат. Ал эми эки өлкөнүн президенттери Чолпон-Ата шаарынан телекөпүрө аркылуу чек аралардын ачылышына күбө болот.
