БИШКЕК, 6-авг. — Sputnik. Колумбиянын полициясы Богота аэропротунан ашказанында 38,5 миң долларды мыйзамсыз алып бара жаткан аялды кармаганын Ассошиэйтед Пресс агенттиги кабарлайт.
Аны эки күн мурда кармашса да, коомчулукка бул туурасында азыр гана белгилүү болду. Полициянын генералы Густаво Морено агенттикке билдиргендей, 39 жаштагы колумбиялык тикмечи Боготага Мехикодон учуп келген. Медициналык процедуралардан кийин анын денесинен латекс менен капталган 64 капсуланы алып чыгышкан. Алардын ар биринде жүз долларлык бештен акча бар болчу.
Агенттик белгилегендей, мындай ыкма менен кылмышкерлер көбүнчө баңги заттарды ташыйт. Алсак, быйыл июнда Гондурастын тургуну өзүнүн көкүрөк имплантына 1,5 килограмм кокаин алып бара жатып, Богота аэропортунан кармалган.
