Парламенттик шайлоону Атамбаев 4-октябрга дайындады

Жазылуу
НовостиTelegram
Башкы прокуратурага шайлоону даярдоодо жана өткөрүүдө Кыргызстандын Конституциясынын жана мыйзамдарынын сакталышын камсыз кылуу тапшырылды.

БИШКЕК, 25-июль — Sputnik. Президент Алмазбек Атамбаев КРдин жаңы чакырылыштагы Жогорку Кеңешинин депутаттарын шайлоону 2015-жылдын 4-октябрына дайындоо жөнүндө жарлыкка кол койду. Бул туурасында президенттин маалымат кызматы билдирди.

Түштүк Кореянын желеги. Архив - Sputnik Кыргызстан
Корея БШКга 1,2 млн. доллар бөлүп берүү ниетинде
Жарлыктын негизинде Шайлоо жана референдум өткөрүү боюнча борбордук комиссиясына Кыргыз Республикасынын мыйзамдарына ылайык шайлоону эркин, таза жана ачык-айкын өткөрүүнү камсыз кылуу тапшырылды.

Өкмөткө шайлоону өткөрүү үчүн зарыл болгон финансы каражаттарын БШК бекиткен чыгымдардын сметасына ылайык бөлүп берүү, шайлоону даярдоо жана өткөрүү мезгилинде мыйзамдуулукту, жарандардын укуктарын жана эркиндиктерин камсыз кылуу тапшырылды. Коомдук тартипти жана коомдук коопсуздукту коргоо, анын ичинде шайлоо комиссияларынын жайларын жана добуш берүү  жайларын кайтаруу, алардын өрт коопсуздугун камсыз кылуу жана шайлоо документтерин ташыган транспорт каражаттарын коштоо жана кайтаруу боюнча зарыл болгон чараларды көрүү көңүл четинде калбашы керектиги айтылды.

Башкы прокуратурага шайлоону даярдоодо жана өткөрүүдө Кыргызстандын Конституциясынын жана мыйзамдарынын сакталышын камсыз кылуу тапшырылды.

Кулов: бардыгы даяр болгондон кийин коалиция шайлоо жоопкерчилигин алышы мүмкүн
Жарлыкка ылайык, жергиликтүү мамлекеттик администрация башчылары, Бишкек жана Ош шаарларынын мэрлери, жергиликтүү өз алдынча башкаруунун аткаруучу орган жетекчилери шайлоо комиссияларына шайлоону даярдоодо жана өткөрүүдө уюштуруу-техникалык маселелерди чечүүгө көмөк көрсөтүшү керек.

Жарлык “Эркин-Тоо” гезитине расмий жарыяланган күндөн баштап күчүнө кирет.

Жарлыктын толук тексти “Эркин-Тоо” гезитине 2015-жылдын 28-июлунда расмий жарыяланат. 

Жаңылыктар түрмөгү
0