Нарымбаев өзүнүн "кармалышы" жана Түлеевдин кызын кабыл алганы боюнча айтты

© Пресс-служба президента КР / Султан ДосалиевПрезиденттин аппаратынын жетекчиси Данияр Нарынбаев. Архив
Президенттин аппаратынын жетекчиси Данияр Нарынбаев. Архив - Sputnik Кыргызстан
Жазылуу
Нарымбаевдин айтымында, өзүнүн кармалганы тууралуу ал чогулушта отурганда ЖМКлар аркылуу уккан. Ал маалыматты чыгарар алдында текшерүү керектигин белгиледи.

БИШКЕК, 15-июль — Sputnik. Президенттин аппаратынын жетекчиси Данияр Нарынбаев чукул маалымат жыйын өткөрүп, аны эч ким кармабаганын жана суракка чакырбаганын айтты.

Президенттин аппарат жетекчиси Данияр Нарымбаев. Архив - Sputnik Кыргызстан
Нарымбаевдин кармалышы боюнча кабарды президенттин маалымат катчысы четке какты
Буга чейин бир катар ЖМКлар мурдагы депутат Нариман Түлеевдин үй-бүлөсүнөн 100 миң сом пара алып жаткан жеринен кармалды деген маалымат жазып чыгышкан. Бирок, президенттин маалымат катчысы бул маалыматты төгүнгө чыгарып, Нарымбаев чогулушта отурганын билдирген.

УКМКнын маалымат кызматы Жогорку Кеңештин депутаты Х.К. 100 миң доллар пара алып жаткан жеринен кармалды деген билдирүү тараткан. Х.К. инициалы менен Жогорку Кеңеште бир гана Хаджимурат Коркмазов бар.

Нарымбаевдин айтымында, өзүнүн кармалганы тууралуу ал чогулушта отурганда ЖМКлар аркылуу уккан. Ал маалыматты чыгарар алдында текшерүү керектигин белгиледи.

"Хаджимурат Коркмазов Түлеевдин кызын кабыл ал деп чынында эле мага кайрылган. Мен андан баш тарттым, себеби, аны буга чейин жардамчымдын көзүнчө кабыл алгам, экинчи жолу Чыныбай Турсунбеков менен чогуу кабыл алгам. Анда мага экс-депутаттын камакка алынган мүлктөрүнүн арасында мыйзам боюнча камакка алынбай турган мүлктөрү да бар экенин айткан. Кийин ушул эле маселе боюнча Түлеевдин бир тууганынан президенттин аппаратына арыз да келип түшкөн", — деди ал.

Нарымбаев экс-депутаттын тууганына бул маселе боюнча Жогорку сотко кайрылуусу керектигин айткан.

Жаңылыктар түрмөгү
0