БИШКЕК, 1-июль — Sputnik. Жапалак айыл аймактык кеңешинин Озгур айылында жаңы бала бакчанын пайдубалы түптөлдү. Бул туурасында Ош шаардык мэриясынын маалымат кызматы билдирди.
Тендердин баасы 23 млн. сомду түзгөн бала бакчанын пайдубалын түптөөгө катышкан шаар мэри Айтмамат Кадырбаев бул жер соттошуудан кийин мэриянын колуна кайра тийгендигин айтты.
"Жер буга чейин менчикке берилип кетиптир. Сот аркылуу аны кайра кайтарып алдык", — деди Кадырбаев.
Мэриянын маалымат кызматынын билдиришинче, аталган аймактын тургундары жыл башында мэр менен жолугушууда бала бакчага муктаж экендиктерин айтышкан.
