Кувейт менен Тунистеги теракттардан кыргызстандык жарандар жабыркаган жок

© Фото / Paul LivingstoneКувейт менен Тунистеги терактылардан кыргызстандык жарандар жабыркаган жок
Кувейт менен Тунистеги терактылардан кыргызстандык жарандар жабыркаган жок - Sputnik Кыргызстан
Жазылуу
Кувейтте Кыргызстандын 80 жараны жашайт, ал эми Тунистеги кыргызстандыктардын саны тууралуу маалымат учурда такталып жатат.

БИШКЕК, 30-июнь — Sputnik. Кувейт жана Тунис мамлекеттеринде болгон теракттардан жабыркагандардын арасында кыргызстандыктар жок экенин Тышкы иштер министрлигинин маалымат кызматы билдирет.

Тунис бийлиги теракттан кийин туристтик полицияны куралдандырмай болду
Тунистеги ири террористтик чабуул 26-июнда Сус шаарына жакын аймактагы Эль-Кантауи курортуна жасалып, жергиликтүү студенттин огунан 40 адам өлүп, дагы кыркка жакын турист жарадар болгону аныкталган. Ошол эле күнү Кувейтте Эс-Савабир мечитинде жума намаз окулуп жаткан учурда  болгон жардыруудан 27 адам көз жумган. 

Билдирүүгө ылайык, Кыргызстандын Кувейттеги элчилиги Кувейт бийлиги менен жана Тунистеги Россиянын элчилиги менен байланышып, курман болгондордун жана жабыркагандардын арасында кыргызстандык жарандар жок экендиги аныкталды.

Министрликтин маалыматы боюнча Кувейтте Кыргызстандын 80 жараны жашайт, ал эми Тунистеги кыргызстандыктардын саны тууралуу маалымат учурда такталып жатат.

Жаңылыктар түрмөгү
0