КММА: биринчи курстун студенттери муляж менен иштешет

Жазылуу
Ички иштер министрлиги Кыргыз мамлекеттик медициналык академиясынын студенттери өлүктөр менен түшкөн сүрөттөрдү соцтармактарга жайгаштырганын билдирген.

БИШКЕК, 25-июнь — Sputnik. Кыргыз мамлекеттик медициналык академиясынын даярдоо курсунун угуучулары жана биринчи курстун студенттери муляж менен гана иштей турганын Sputnik агенттигине окуу жайдын маалымат катчысы Абибилла Пазылов билдирди.

Өлүктөр менен сүрөткө түшкөн студенттер окуудан чыгарылышы мүмкүн
Шейшемби күнү ИИМ сүрөткө түшкөндөрдүн аты-жөнү такталганын билдирген. Сүрөткө ак халатчан жети кыз өлүкканада адам өлүктөрү менен түшкөн. Министрлик сүрөттү соцтармактарга окуу жайдын 19 жаштагы даярдоо курсунун студенти жайгаштырганын аныктап, аны милиция кызматкерлери суракка алган.

Мындан тышкары, белгилүү интернет түйүндөрдүн биринде студенттердин адам өлүгүн өздөштүрүү учурундагы сүрөтү жайгаштырылган. ИИМ бул сүрөттү өлүккана боюнча жүргүзүлүүчү экскурсияга жооптуу болуп дайындалган биринчи курстун студенти илгенин аныктаган. 

Жогорудагы маалыматтар такталса, КММА тарабынан кыздарга карата окуу жайдан чыгарганга чейинки чаралар көрүлөрү айтылган. 

"Биринчи курстун жана даярдоо курсунун студенттери өлүктөр менен иштебейт. Алар өлөктөрдүн муляжы сакталган пластинация музейине барышат", — дейт маалымат катчы.

Пазыловун айтымында, азырынча ИИМ аталган кыздар кайсы окуу жайдын студенттери экенин аныктоо боюнча өтүнүч катына жооп бере элек.

Жаңылыктар түрмөгү
0