БИШКЕК, 22-июнь — Sputnik. Кыргызстандагы 1 млн. 27 миң окуучу 2207 орто мектепте билим алат, ал эми мугалимдердин саны 74 миң. Бул маалыматтарды вице-премьер-министр Дамира Ниязалиева билим берүүгө арналган эл аралык конференцияда билдирди.
Ниязалиева өлкөдөгү билим берүү реформасы Кыргызстандын 2017-жылга чейинки туруктуу өнүгүүсүнүн Улуттук стратегиясынын жана 1920-жылга чейин каралган билим берүү стратегиясынын алкагында жасалып жаткандыгын билдирди.
"Биз үчүн башкы максат – өнүгүүгө багыт жасап, окутуунун сапатын көтөрүп жана билим берүүнү дүйнөлүк стандарттарга тууралоо", — деди Ниязалиева.
Вице-премьер-министр мамлекет башчысы Алмазбек Атамбаевдин буйругу менен 2015-жылдын 1-сентябрынан тарта айлык 50 пайызга жогорулайт деп айтты. Буга кошумча 2 миллиард сомдон ашык акча каралган.
