Кыргызстандык журналисттерди укуктук теманы чагылдырууга окутушту

© Sputnik / Табылды КадырбековЖурналисттердин микрофону. Архив
Журналисттердин микрофону. Архив - Sputnik Кыргызстан
Жазылуу
Журналисттерди сот ишин жана укуктук темаларды чагылдырууга окутуу эки баскычта Бишкек жана Ош шаарында уюштурулду.

БИШКЕК, 18-июнь — Sputnik. Кыргызстандагы журналисттер сот адилеттигине болгон мүмкүнчүлүктөрдү жана укук темасын чагылдыруу боюнча окутуудан өттү.

Кыргыз Республикасынын конституциясы. Архив - Sputnik Кыргызстан
Президент Конституциялык палатанын судьялыгына депутатты жана журналистти жактырды
Алгач Бишкек шаарында борбор калаанын жана Чүй облусунун, андан соң Баткен, Ош жана Жалал-Абад облусунун журналисттери үчүн уюштурулду. 

Тренингдин катышуучулары калктын аярлуу катмарына кирүүчү, ден соолугу боюнча мүмкүнчүлүгү чектелген адамдардын, балдардын, элеттик аялдардын, жаштардын жана аз сандагы улут өкүлдөрүнүн сот адилеттигине жетүүдөгү көйгөйлөрү, аларды чечүүнүн жолдору, бул багыттагы иштеги ЖМКнын ролу тууралуу маалымат алды. Окутууну эксперт-юрист Бакыт Кыдыралиева жана медиа-тренер Элима Жапарова алып барды.

Окуу учурунда тренер-эксперт Бакыт Кадыралиева коомдун аяр катмарына сапаттуу юридикалык колдоо көрсөтүү зарылдыгын айтты.

"Алардын укугунун тебелениши биринин артынан бири  уланып отуруп, адамды социалдык жактан абдан оор абалга алып келиши турган иш. Мындан тышкары, аларга жарандык иштер боюнча бекер юридикалык жардам берүү системасын өнүктүрүү учурдун актуалдуу маселеси", — деди Кадыралиева. 

БУУнун өнүктүрүү программасынын Укуктун улуктугу боюнча техникалык кеңешчиси Лючио Сарандреа сот адилеттигине жетүүдөгү мүмкүнчүлүктөрдү кеңейтүүдө маалымат каражаттарынын мааниси чоң экенин баса белгиледи.

"Кыргызстанда жүргүзүлгөн иликтөөнүн жыйынтыгы боюнча калктын 70 пайызы маалымат каражаттарынына ишенерин билдиришкен. Сот адилеттигине, акыйкатка жетүү үчүн жарандар көпчүлүк учурда сот системасынан мурун массалык маалымат өкүлдөрүнө кайрылышат", — деди Сарандреа.

Журналоистер жыйыны. Архив. - Sputnik Кыргызстан
"Пендечилик" кылган журналисттерди депутаттар ЖКга киргизбөөнү сунушташты
Долбоордун өкүлдөрү белгилегендей, орчундуу көйгөйлөрдү чечүүгө журналисттер түрткү бере алат. Анткени медиа аркылуу жарандардын өз укугун билүүгө, жардам керек болгондо кайсы институттарга кайрылуу керектигине багыт берип, калкты туура маалыматтар менен камсыз кыла алат. 

Аталган окутууну "Журналисттер" коомдук бирикмеси, БУУнун өнүктүрүү программасынын "Кыргызстандагы сот адилеттигине мүмкүнчүлүктү кеңейтүү" жана "Туруктуу тынчтыкты камсыз кылуу максатында Укуктун улуктугун жана сот адилеттигине мүмкүнчүлүктү жакшыртуу" долбоорлорунун алкагында уюштурулган.

Жаңылыктар түрмөгү
0