БИШКЕК, 30-апр. — Sputnik. Атамбаев Жогорку Соттун Конституциялык палатасынын судьялыгына эки талапкерди шайлоо боюнча чечим кабыл алып, аны Жогорку Кеңешке жөнөттү.
Президент Алмазбек Атамбаев Жогорку Соттун Конститиуциялык палатасына жана Бишкек шаары менен Чүй облусунун райондор аралык сотуна талапкерлер менен жолугуп, аңгемелешүү өткөргөн.
Кыргызстанда сотторду тандоо кеңеши менен 2015-жылдын апрелинде мамлекет башчысына Коституциялык палатага көрсөтүлгөн үч жана Бишкек шаары менен Чүй облусунун райондор аралык сотуна көрсөтүлгөн 13 талапкер сунушталган.
Президент менен 15-апрелде болгон аңгемелешүүдөн кийин жана 28-апрелдеги Сотторду тандоо кеңешинин чечими менен Атамбаев Жедигер Саалаев менен Курмантай Абдиевди Жогорку Соттун Конституциялык палатасынын судьялыгына шайлоого көрсөтүү чечимин кабыл алды.
Курмантай Абдиев учурда – жогорку Кеңеште "Ата-Журт" фракциясынын депутаты, ал эми Жедигер Саалаев – өкмөттүк "Кыргыз Туусу" басылмасынын башкы редактору.
Президент жактырып, чечим кабыл алгандан кийин талапкерлерди ЖКнын кароосуна жөнөтөт.
