БИШКЕК, 21-май — Sputnik. Кыргызстандын бир катар аймактарында 21-майдан 25-майга чейин аба ырайы туруксуз болуп, бийик тоолуу аймактарда кар жаашы мүмкүндүгүн Өзгөчө кырдаалдар министрлиги билдирди.
22-майдан баштап абанын күндүзгү температурасы кескин төмөндөп: Чүй, Талас, Ош, Жалал-Абад, Баткен облустарынын дыйканчылык аймактарында +13…+18 градус, тоо этектеринде +10…+15 градус, бийик тоолуу райондордо 0…+5 градус жылуу болушу күтүлөт.
Аба ырайынын мындай туруксуздугу айыл чарба иштерин, унаа, энергетика жана коммуналдык кызматтардын ишин жана жайыттарда малды кармоону кыйындатат деп айтылат министрликтин маалымат кызматы тараткан билдирүүдө.
