БИШКЕК, 20-май — Sputnik. Кыргыз—Өзбек чак арасында болгон окуя боюнча сүйлөшүүдө тараптар чек ара кызматынын жоокерлеринин арасында курал колдонуу тартиби жөнүндө түшүндүрүү-профилактикалык иштерин өткөрүү жөнүндө макулдашты.
Тараптар Каптархана деп аталган жерде өзбек чек арачылары Кыргызстандын эки жаранын атып жарадар кылган окуянын жагдайларын такташты.
Кыргыз тарап аскер кызматкерлеринин өмүрүнө жана коопсуздугуна коркунуч туулбаган шартта ок атуучу куралды колдонууга жол берилбеши керектигин билдирип, өзбек тараптан чек ара бузуучуларды кармоодо алар каршылык көрсөткөнүнө карабай, КР чек арачылары эл аралык макулдашууларды сактоо менен, аларга каршы курал колдонбогон учурларды эске салды.
Жолугушуунун жыйынтыктары боюнча тараптар окуяны териштирип жана чек ара кызматынын жоокерлеринин арасында курал колдонуу тартиби жөнүндө түшүндүрүү-профилактикалык иштерди өткөрүү жөнүндө макулдашты.
Мамлекеттик чек ара аркылуу транзиттик өтүү тартиби боюнча профилактикалык иштер эки өлкөнүн тең чек ара аймагындагы тургундары арасында жүргүзүлмөкчү.
Азыр мамлекеттик чек аранын кыргыз-өзбек бөлүгүндө кырдаал салыштырмалуу тынч деп бааланууда.
Мурдараак Чек ара кызматы 19-май күнү өзбек чек арачылар ок атуучу курал колдонуусунун натыйжасында Кыргызстандын эки жараны жарадар болгон.
Аталган ведомствонун маалыматы боюнча, КРдин жараны өз автоунасы менен Өзбекстандын жери аркылуу өтүүчү жол менен Кадамжайдан Кызыл-Кыя шаарына бара жаткан. Жолдон Өзбекстандын Фергана районундагы Каптархана айылында ал токтоп, эки кыргызстандык аялды унаасына отургузган.
Айдоочу өзбек чек арачыларынын машинанын токтотуу аракетиндеги талабына баш ийген эмес. Буга жооп кылып алар ок атышып, натыйжада КРдин эки жараны жарадар болгон.
