БИШКЕК, 15-май — Sputnik. Өзбекстандан аткезчилик менен алынып келе жаткан кургак калемпир кармалганын Экономикалык кылмыштуулукка каршы күрөшүү боюнча мамлекеттик кызматынын маалымат кызматы билдирди.
Мекеменин билдирүүсүнө ылайык, 6,4 тонна кургатылган калемпир жүктөлгөн автомашина Өзбекстандын аймагынан чыккан. Кармалган жүктүн болжолдуу баасы бир миллион сомдон ашат.
Аталган факты боюнча Экономикалык кылмыштуулукка каршы күрөшүү боюнча мамлекеттик кызматынын Ош жана Баткен облусундагы башкармалыгы Кылмыш жаза кодексинин 204-беренеси (Аткезчилик) боюнча кылмыш ишин козгоду. Тергөө улантылууда.
