БИШКЕК, 13-май — Sputnik. Акын Алыкул Осмоновдун 100 жылдык юбилейине арналган журналисттердин ыр окуу эстафетасын ЭлТР каналынын эмгек жамааты 5-каналга өткөрүп берди.
Posted by Нурбек Калыбек Уулу on 12 Май 2015 г.
ЭлТРдин журналисттери Алыкул акындын ырларын көркөм окуган 4 мүнөттөн ашык видеороликти социалдык тармакка жайгаштырды. Аталган ыр кесени телеканалга "Азаттык" радиосу узаткан.
"Эми кезек 5-каналга узатылды. Биздин көркөм окууну көрүп коюңуздар!", — деп айтылат аталган телеканалдын Фейсбук социалдык тармагына жазган билдирүүсүндө.
Долбоордун алкагында Sputnik Кыргызстан сайтынын жамааты Осмоновдун ырын окуу кезегин кесиптеш журналисттерге социалдык тармактан узаткан.
Аталган демилге буга чейин Кыргызстандагы бир нече телеканалдардын, маалымат сайттардын, радиостанциялардын эмгек жамааттарында, журналисттер калкында уланган.
