"Азаттык"Алыкулдун ыр кесесин ЭлТРге сунду

© Sputnik / Табылды КадырбековАлыкулдун жүз жылдыгына арналган эстафета.
Алыкулдун жүз жылдыгына арналган эстафета. - Sputnik Кыргызстан
Жазылуу
Улуу акын Алыкулдун 100 жылдыгына карата анын ырларын окуу боюнча Sputnik сайтынын жамааты баштаган демилге уланып отуруп, "Азаттык" радиосуна жетти. Аны Кыргызстандагы мыкты делген "Азаттыкчы" акындар жамааты менен көркүнө чыгара окуп, ЭлТР каналына сунду.

БИШКЕК, 24-апр. — Sputnik. "Азаттык" радиосунун кыргыздын сүйүктүү, мыкты акындары Шайлообек Дүйшеев, Бурулкан Сарыгулова баштаган жана кийинки муундун өкүлү Заирбек Ажыматов коштогон эмгек жамаатынын "Алыкулду даңктайбыз" аттуу ролигин социалдык тармакка жайгаштырды. 

Чыгармачыл чеберчилик менен жаралган бул видеоролик Алыкул акынга арналган чыгармалардын жана жаштарды анын поэзиясын окууга тарткан эмгектердин бири болуп калды.

"Алыкул Осмоновдун 100 жылдыгына карата акынды даңазалоо акциясын "Азаттык" улантат. Алыкулдун ырларын окуу боюнча медиа-мекемелер арасында жүрүп жаткан эстафетаны "Азаттыкка" КТРКнын жамааты ыйгарган. Кесиптештерге ыраазычылык билдирүү менен эстафетанын жообун төмөнкү видеодон көрүүгө чакырабыз. "Азаттыкчылар" акындын ырларынан үзүндүлөрдү сунуштайт жана ыр кесени ЭлТРдин жамаатына узатат", — деп жазылат аталган радионун социалдык тармактагы баракчасында.

 

Журналисттик жамааттар Алыкулдун ырын көркөм окуп, аны бири-бирине узатышууда
24-мартта Sputnik маалымат сайты Алыкул Осмоновдун ырларын көркөм окуу боюнча белгилүү инсандардын катышуусундагы видеодолбоорду баштаган.

Долбоордун алкагында Sputnik Кыргызстан сайтынын жамааты Осмоновдун ырын окуу кезегин кесиптеш журналисттерге социалдык тармактан узаткан.

Жаңылыктар түрмөгү
0