БИШКЕК, 7-май — Sputnik. "Курманжан датка" тасмасы дүйнөлүк киноиндустриянын архивине кириши мүмкүндүгүн "Айтыш фильм" киностудиясынын маалымат катчысы Чолпон Идрисова билдирди.
Аталган кинофестиваль Азия өлкөлөрүнүн киноиндустриясында маанилүү окуя жана мыкты делинген тасмаларды көрсөтүү үчүн ыңгайлуу аянтча болуп эсептелет.
Кинофестивалдын максаты маданияттар ортосундагы диалогду жана азиялык фильмдерди дүйнөлүк аренага чыгаруу болуп саналат.
"Кинофорум шаардагы ири коомдук киноархив менен кызматташат. Ал эл аралык киноархив федерациясынын филиалы. Фестивалдын мыкты тасмалары бул киноархивге кирет. Ал да өз кезегинде кинематографисттер үчүн да эл аралык сыймык болуп эсептелет", — деди маалымат катчы.
Кинофестиваль 1991-жылдан тарта уюштурулуп келет жана анын бир канча конкурстук номинация жана атайын программалары бар.
Буга чейин "Курманжан датка" тасмасы Иранда өткөн кинофестивалда калыстардын атайын сыйлыгына татыган. Ошондой эле, ал Тибурон (АКШ) шаарында өткөн кинофорумда "Мыкты тасма" жана "Мыкты оператордук иш" номинациялары боюнча башкы байгени жеңип алган.
"Курманжан датка" тасмасы мамлекеттик тапшырык менен 2014-жылы тартылып, ага мамлекеттик бюджеттен 1,5 миллион доллар сарпталган. Анын бет ачары былтыр 31-августта Кыргызстандын эгемендүүлүк күнүндө болгон. Тарыхый тасманы режиссер Садык Шер-Нияз.
Былтыр "Курманжан датка" тасмасы "Оскар" киносыйлыгына көрсөтүлгөн.
