БИШКЕК, 6-апр. — Sputnik. КР президенти Алмазбек Атамбаев Кыргызстанга расмий сапар менен келген Түркмөнстандын Министрлер кабинетинин төрагасынын орун басары, тышкы иштер министри Рашид Мередовду ишемби күнү кабыл алганын президенттин маалымат кызматы билдирди.
Ошондой эле, президент Атамбаевдин 2014-жылы Түркмөнстанга жасаган расмий сапарынын жыйынтыгы боюнча жетишилген макулдашуулардын ишке ашырылышы, анын ичинде соода-экономикалык, илимий-техникалык жана гуманитардык кызматташуу боюнча кыргыз-түркмөн өкмөттөр аралык комиссиянын ишмердүүлүгү дагы талкууланды.
Андан тышкары, Атамбаев менен Түркмөнстандын тышкы иштер министри Рашид Мередов Түркмөнстандын Президенти Гурбангулы Бердымухамедовдун үстүбүздөгү жылы Кыргызстанга жооп иретиндеги расмий сапарына даярдык көрүүнүн жүрүшүн дагы талкуулашты.
