БИШКЕК, 24-фев — Sputnik. Америкалыктардын жарымынан көбү Украинага курал-жарак берүүгө каршы, ошол эле учурда Россияга каршы санкциялар популярдуу экендигин Pew Research Center жүргүзгөн социологиялык изилдөөлөрдүн натыйжалары күбөлөйт.
Сурамжылоого ылайык, респонденттердин 53 пайызы Украинага курал-жарак жана аскер жабдууларын берүүгө каршы, ал эми 41 пайызы болсо муну колдойт. 2014-жылдын апрелинде курал берүүгө каршы пикирдегилердин саны 62 пайызы, ал эми жактоочулар 30 пайызы болчу. Россияга каршы санкциялардын катулатууну сурамжылангандардын 60 пайызы колдосо, 34 пайызы каршы. Украин жоокерлерин америкалвк инструкторлор машыктырышын 49 пайызы колдойт, ал эми 46 пайызы каршы. Сурамжылоого катышкандарга Россиянын президенти Владимир Путинге алардын көз карашы тууралуу да суроо берилген. Алардын 70 пайызы өзүлөрүнүн терс мамилесин, 12 пайызы оң мамилесин билдирген. Россия менен Украинанын ортосундагы катаал мамилелер тууралуу сурамжылангандардын 39 пайызы жакшы билет, дагы 41 пайызы "анча-мынча" билебиз деп жооп беришкен. Көпчүлүгү (77 пайыз) Россия менен Украинанын ортосунда болуп жаткандар АКШнын кызыкчылыгы үчүн маанилүү деп эсептейт. Украинага курал-жарак жөнөтүүнү 30 жашка чейинкилер баарынан аз колдошот. Алардын 33 пайызы гана буга макул болсо, 62 жаштан догорку амерекалыктардын арасында мындайды колдогондор жарымын түзөт.
Сурамжылоо телефон аркылуу быйыл 18-22-февралда жүргүзүлүп, ага АКШнын бардык штаттарынан жашы жеткен 1,5 миң адам катышкан.
Минсктеги сүйлөшүүлөрдө эмнелер жөнүндө макулдашылды
Минск макулдашуулары кандай аткарылууда
Жарыяланган ок атууларды токтотуу чырдашып жаткан тараптар менен байкоочулардын билдирүүлөрү боюнча Дебальцеводон сырткаркы тирешүү тилкесин бойлой бардык жерде сакталууда. Ыктыярчылардын баасы боюнча, аталган шаардын жанында курчоодо Украинанын үч миңден ашуун күч жоокерелери калган. Бирок Киевде бул фактты моюнга алышкан жок. Украинанын ири жол түйүндөрүнүн бири болуп эсептелген Дебальцеводо акыркы күндөрү ыктыярчылар менен күч топторунун куралдуу кагышуулары жүрүп турду.
