БИШКЕК, 24-фев — Sputnik. Авиа кыйроолору боюнча эксперттер Малайзия авиа тармагына караштуу, 2014-жылдын мартында жоголгон Boeing (MH370 рейси) учагы боюнча спутник маалыматтарын талдагандан кийин белгисиз бирөөлөр лайнерге Антарктида тарапка багыт бериши мүмкүн болчу деген тыянакка келишти деп билдирет РИА Новости New Zealand Herald гезитине таянуу менен.
Маалыматтарга жүргүзүлгөн талдоого ылайык, MH370 диспетчер менен байланышы үзүлгөндөн кийин дагы бир нече саат абада болгон жана үч жолу бурулуш жасап, алардын бири сол жакка болгон. Натыйжада учак батышты карай, андан соң түштүккө, Антарктиканы карай бет алган. Бул версия National Geographic телеканалынын 8-мартта, кырсыктын жылдыгына карата чыга турган даректүү тасмада кенен берилмекчи.
Эксперт Малкольм Бреннердин пикиринде, экипаждын мындай аракеттери аларды бирөө атайылап багытынан чыгарган "деген ойго алып келет" деп жазат гезит.
Азыркы учурда авиалайнерди издөөгө төрт кеме катышып, алар издөө салынып жаткан аймакта 200 миң чарчы чакырым жерди кыдырып чыгышты. Декабрдын ортосунда Издөөнү жөндөштүрүү борборунун (JACC) өкүлдөрү Индия океанында биринчи кезекте издөө салынышы керек болгон аймагында иш 2015-жылдын майында бүтөт деп билдиришкен. Тергөө боюнча алдын ала отчёт 7-мартта жарыяланат деп күтүлүүдө.
Лайнер менен эмне болгон
Malaysia Airlines авиакомпаниясынын лайнери Boeing 777-200, Куала-Лумпурдан Пекинге MH370 рейси боюнча 227 жүргүнчү жана экипаждын 12 мүчөсү менен учуп бара жатып 8-мартка караган түнү радарлардын экранынан жоголгон. Малайзиянын премьер-министри Наджиб Разак 24-март күнү учак Индия океанынын түштүк бөлүгүнө кулап түшкөн деп билдирген: муну спутник маалыматтары ырастаган. Божомолдоолор боюнча эч ким тирүү калган эмес.
2011-2014-жылдарда дүйнөдө болгон чоң аба кырсыктар
21-февралда Ливиянын Ан-26 аскердик-унаа учагы Тунистин чет-жакасындагы аэропортко учуп бара жатып Набель провинциясынын Громбалия аймагында кыйроого учураган. Анда учуп бара жаткан 11 адамдын баары каза болгон.
Малайзиянын авиалайнерлери дагы кандай кырсыктарга учураган
Бул Малайзиянын авиакомпаниясынын учактары менен быйыл биринчи болгон кырсык эмес. Malaysia Airlines авиакомпаниясыны лайнери Boeing 777-200 Куала-Лумпурдан Пекинге MH370 рейси боюнча 227 жүргүнчү жана экипаждын 12 мүчөсү менен учуп бара жатып, 8-мартка караган түнү радарлардын экранынан жоголгон. Божомолдоолор боюнча, учак Индия океанынын түштүк бөлүгүнө кулап түшкөн. Кенен аймакта жүргүзүлгөн издөөлөр натыйжа берген жок.
17-июлда Амстердамдан Куала-Лумпурга MH17 рейси менен учуп бара жаткан Boeing 777 учагы Донецк областында кыйроого учураган. Лайнерде 298 адам, анын ичинде 85 бала жана экипаждын 15 мүчөсү бар болчу. Баары каза болгон. Киевдин бийлиги учактын кыйраганына Донбасстын ыктыярчыларын айыптаган, тигилер болсо андай бийиктиктеги учакты атып түшүрүүгө жарактуу курал-жарагы жок экендигин билдирген. Тергөө боюнча алдын ала баяндамада учак "кубаттуу объекттердин сырттан көрсөткөн көп сандуу таасиринен болгон структуралык бузулуудан" абада учуп бара жатканда эле кыйраган деп көрсөтүлгөн.
