БИШКЕК, 2-фев — Sputnik. Генетикадык-инженердик жол менен модификацияланган өсүмдүктөр менен жаныбарларды өстүрүүгө жана көбөйтүүгө тыюу салуу жөнүндө мыйзам долбоору Россия Федерациясынын өкмөтү тарабынан жактырылды деп билдирет РИА Новости.
Мыйзам долбооруна ылайык, эми ГМОлордун айлана-чөйрөгө чыгышын көзөмөлдөп жана алар камтылган продукциянын адамга жасаган таасирине байкоо жүргүзүү зарыл.
ГМО камтылган продукцияларды импорттоочулар милдеттүү түрдө каттоого турушу керек. Россия өкмөтү мониторингдин жыйынтыгы боюнча ГМО өндүрүмдөрүн алып кирүүгө тыюу сала алат.
