БИШКЕК, 25 дек — Sputnik. Россияга киргизген санкциялар алардын өзүнө эле кайра сокку болорун Европа эң сонун түшүнүп турат деди Кыргызстандык саясат таануучу Марс Сариев Sputnik тапшырыгы менен ICM Research агенттигинин жүргүзгөн сурамжылоосуна комментарий берип жатып.
Эксперттердин пикирине таянсак, "прагматикалык маанайдагы немистер, Россияга каршы санкциялар өздөрүнө эле кайра урулган сокку болорун түшүнүп турушат".
"НАТО алкагындагы Евроатлантикалык тилектештик деген нерсе аларды бул санкцияларды колдоого аргасыз кылып тургандыгын бүткүл Европа түшүнүп турат. Бул санкциялар Россия үчүн кайра жакшы болот деген ойдомун. Өлкө Батыштын садагасына чабылып, ал эми Россия тескерисинче, өзүнүн өнөр жайын кайра жандандырып, индустриясын өнүктүрүп кетет. Рублдин курсунун төмөндөшүнүн да оң жагын көрсөк болот. Бул Россияны бекемдеп, ал мамлекет катары оюн бир жерге топтоп, экономикасын болушунча өнүктүрүп, болгон мүмкүнчүлүгүн ушул нерселерге жумшайт. Бул өлкөнү чыйралтуучу жагдайлардан болду", — деп белгиледи Сариев.
Эксперт бакубат, ошону менен бирге европалыктар өздөрү айтмакчы, "санкциялардан утуш алган" өлкөгө айланат.
"Учурда жаңы технологиянын келе турган жолдору жабылышы мүмкүн, бул РФ үчүн катуу сокку болот. Бирок, өлкө жол таап чыгып кете алат, себеби, азыртадан эле өнөр жай, машина куруу жайлары өнүгө баштады. Бул жааттан алып караганда да Россия кемип калбайт. Европа өлкөлөрү менен диалог эми башкача маанайда болот. Европа башка бирөөлөрдүн колу менен кайра эле ушундай кадамдарга барат", — деп кошумчалады Сариев.
Эксперт сурамжылоо ачык, так жүргүзүлүп, абал так чагылдырылып берилгендигин кошумчалады.
АКШ менен ЕБ Россиянын саясатчылары менен ишкерлерине каршы санкцияларды кантип киргизишти
Россия Батыштын санкцияларына кандайча жооп берди
Россиянын президенти Владимир Путин 6-августта коопсуздукту камсыз кылуу үчүн айрым атайын экономикалык чараларды көрүү жөнүндө Жарлыкка кол койду. Ага ылайык Москвага каршы санкцияларды киргизген бир катар өлкөлөрдөн азык-түлүктү импорттоо чектелди. Ал тизмеге уйдун, канаттуулардын, чочконун эти, жемиштер, быштак жана сүт азыктары, жаңгактар ж.б. азык-түлүктөр кирген.
