22:09 10 Теке 2020
Түз эфир
  • USD77.8000
  • EUR87.8362
  • RUB1.0922
Дүйнөдө
Кыскача шилтеме алуу
Дүйнөгө жайылган коронавирус (859)
39110

Эл аралык валюта фондунун маалыматына караганда, мамлекеттер пандемиядан кийинки экономикага жөлөк катары 9 триллион доллар саларын айтып жатышат. Бирок көпчүлүктө мындай чоң сумма жок. Алар карызга алууга туура келет.

БИШКЕК, 13-май — Sputnik. Дүйнөлүк экономика буга чейин божомолдоолордон дагы чоң жана оңой менен ордуна келгис жоготууларга учурайт. Бул тууралуу Эл аралык валюта фондунун жетекчиси Кристалина Георгиевага шилтеме берип ВВС жазды.

“Кризис эми гана күч алып келе жатат. Эгер медицина вирусту жеңе албай турган болсо, кесепетин элестетүү кыйын”, — деди Георгиева.

Макалада жазылгандай, Кытайдын экономикасы жарым кылымдан бери мынчалык төмөндөп көргөн эмес. Европа биримдиги дегеле өз тарыхында мындай кыйынчылыкты башынан кечире элек болчу. Ал эми дүйнөдөгү эң ири экономикасы бар АКШнын он жылдан бери өсүүнүн гана үстүндө болуп келе жаткан көрсөткүчтөрү жарга такалды.

“АКШдагы жумушсуздук эки дүйнөлүк согуштун ортосундагы улуу депрессия учурундагы рекордду ашып кетти. Коронавирус 2008-2009-жылкы кризистен кийин бутуна туруп келе жаткан экономиканы кайра сулатты. Андагы масштаб азыр экономисттерге күлкүлүү көрүнө баштады”, — деп жазылат макалада.

Эл аралык валюта фондунун маалыматына караганда, мамлекеттер пандемиядан кийинки экономикага жөлөк катары 9 триллион доллар саларын айтып жатышат. Бирок көпчүлүктө мындай чоң сумма жок. Алар карызга алууга туура келет.

“Ал эми кутулуу милдети урпактардын мойнуна жүктөлөт. Бул үчүн аларга талыкпаган эмгектен тышкары, салыкты көбөйтүүгө, инфляцияга кабылууга туура келет”, — деп айтылат макалада.

Коронавирус тууралуу

2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жонс Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 13-майга карата дүйнө жүзү боюнча коронавирус жуктургандардын саны 4 308 055ке жетти.

Тема:
Дүйнөгө жайылган коронавирус (859)

Тема боюнча

Бизнес-омбудсмен: ишкерлер кезекке турууга эмес, башкага баш оорутушу керек
Ар бир үчүнчү ресторан жабылуу коркунучунда. Коомдук тамактануу жайларынын абалы
Белгилер:
карантин, коронавирус, кризис, экономика, Дүйнө

ЭҢ МААНИЛҮҮ