БИШКЕК, 19-мар. — Sputnik. Коронавирус жуктуруп дем алуу кыйындаган учурда антибиотиктер жардам бербейт. Бул туурасында РИА Новости адистердин пикирине таянуу менен жазды.
Новосибирск университетинин биотехнология жана вирусология лабораториясынын жетекчиси Сергей Нетесовдун айтымында, антибиотиктер же, башкача айтканда, микробго каршы препараттар бактерияны гана өлтүрө алат. Вирустар бул организм эмес, алар кишинин клеткасынын ичинде жашайт.
"Вируска, анын ичинде коронавируска каршы антибиотиктерди колдонуу пайдасыз. Ал дарылар бактериалдык инфекцияларда гана жардам берет. Пневмонияны көп учурда бактериалдык жана грибоктук инфекциялар чакырат. Бирок дарыгер коронавируска микробдук патогендер кошулуп кеткенде антибиотик жаза алат", — деген эксперт.
Дүйнөлүк саламаттыкты сактоо уюмунун маалыматы боюнча дагы антибиотиктер бактерияларга каршы күрөшүүдө жардам берет, ал эми коронавирусту дарылоодо жана алдын алууда аталган каражаттар колдонулбайт. Айрым учурда ооруканада антибиотикти жаңы типтеги коронавируска бактерия кошулуп кетиши мүмкүн деп бериши мүмкүн.
Белгилей кетсек, учурда коронавирус менен күрөшүүгө атайын вакцина иштелип чыга элек.
