Коронавирусту жуктуруп алууга даяр ыктыярчылар изделүүдө. Акысы 4500 доллар

© AP Photo / Jae C. HongМедициналык маска кийген Токио шаарынын жашоочулары. Архив
Медициналык маска кийген Токио шаарынын жашоочулары. Архив - Sputnik Кыргызстан
Жазылуу
Окумуштууларга вирустун анча коркунуч жаратпаган штаммдары киргизилип, эки жумалык карантинге кирүүгө даяр 24 киши керек.

БИШКЕК, 11-мар. — Sputnik. Британиялык окумуштуулар вакцина иштеп чыгуу үчүн акча алып коронавирус жуктурууга даяр ыктыярчыларды издөөдө. Бул тууралуу The Daily Mail жазды.

Экспериментти Hvivo компаниясы жүргүзмөкчү. Ага Лондондун чыгыш бөлүгүндөгү Уайтчпелде жайгашкан Queen Mary BioEnterprises инновациялык борборунун лабораториясы таандык. Макул болгон ар бир ыктыярчыга 4500 доллар берилери айтылды.

Супермаркетте товар тизип жаткан кызматкер. Архив - Sputnik Кыргызстан
Жаман айтпай, жакшы жок. Коронавирус жайылып кетсе Кыргызстан канчага чыдайт
Маалыматта экспериментке макул болгондордун саламаттыгына жана диетасына дарыгерлер көз салары белгиленет. Ыктыярчыларда COVID 19га салыштырмалуу жеңилирээк респиратордук белгилер пайда болору болжолдонууда.

Ал эми тесттен өткөн вакциналар менен дары каражаттары чындап ооруп калган бейтаптарга колдонулат. Окумуштуулар бул аракеттер эпидемияга каршы күрөшүүгө жардам берип, дүйнө жүзүндөгү паникага чекит коёт деген ишенимде.

Жаңылыктар түрмөгү
0