18:17 02 Теке 2020
Түз эфир
  • USD78.7872
  • EUR89.0098
  • RUB1.1172
Дүйнөдө
Кыскача шилтеме алуу
332 0 0

Эки күн мурда Ван провинциясындагы Бахчесарай районунда кар көчкү кичи автобусту басып калган. Эртеси дагы беш унаанын үстүнө көчкү түшкөн.

БИШКЕК, 6-фев. — Sputnik. Түркиянын чыгышындагы Ван провинциясында эки ирет кар көчкү түшүп, кырсыктан 41 киши каза тапты. Дагы 84 киши жаракат алганын РИА Новости өлкөнүн Өзгөчө кырдаал боюнча башкармалыгына шилтеме берип жазды. 

Эске сала кетсек, 4-февралда Ван провинциясындагы Бахчесарай районунда кар көчкү түшүп, кичи автобусту басып калган. Эртеси кайрадан беш унаанын үстүнө көчкү түшкөн. Жергиликтүү бийлик ал унаалардын ичинде 50 куткаруучу болгонун билдирип, каргашалуу окуя алар жеринде иштеп жатканда болгонун маалымдаган.

"Каза тапкандардын саны 41ге жетти, 84 киши ооруканада жатат", — деп айтылат маалыматта.

Мекеме көчкү түшкөн аймакта кооптуулукту азайтуу үчүн жардыруу иштери жүргүзүлгөнүн билдирген. Издөө иштери менен 180 куткаруучу алектенип жатат. Жалпысынан 23 атайын техника тартылган.

Тема боюнча

ТИМ: Стамбулда үчкө бөлүнүп калган учакта эки кыргызстандык болгон
Белгилер:
өлүм, Түркия

ЭҢ МААНИЛҮҮ