Мына кайрымдуулук! АКШлык келин эмчек сүтүн муктаж болгондорго таратууда

© AFP 2023 / RAUL ARBOLEDAБала эмизип жаткан аялдар. Архив
Бала эмизип жаткан аялдар. Архив - Sputnik Кыргызстан
Жазылуу
Мындай кайрымдуулук менен убагында келиндин апасы дагы алектенген. Кийин ага жаңы жыл сайын ошол сүт менен чоңойгон балдардан ыраазычылык иретинде белек-бечкектер келип турган.

БИШКЕК, 10-дек. — Sputnik. АКШнын Вирджиния штатынын 36 жаштагы тургуну, эки кыздын энеси Жина Митчелл бир нече жылдан бери өзүнүн эмчек сүтүн муктаж болгондорго бекер таратып келет. Бул тууралуу Daily Mail басылмасы жазды.

Өзүнүн айтымында, мындай кайрымдуулукту жаш кезинде анын апасы дагы кылып жүрчү.

"Апамдын сүтү жакшы экен. Менден ашканын саап туруп, муктаж болгондорго таратып койчу экен. Кийин жаңы жыл сайын ошол сүткө чоңойгон балдардан ыраазычылык иретинде белек-бечкектер келип турчу. Ал кезде көңүл бурчу эмесмин. Бирок сүттүн маани-маңызын өзүм эне болгондон кийин сездим", — дейт аял.

​Ал эми өзү кыздуу болгондо наристеси такыр эле эмчек эмүүдөн баш тартып койгон. Көнүп кетер деген үмүт менен бир нече ай бою кыйнап эмчек берип, саалган сүтүн тоңдургучка сактап койчу экен.

Күндөрдүн биринде сүт 20 литрден ашып, коёрго жер жок калганда, тамаша-чынга аралаштырып социалдык тармактарга сүт тарата турганын айтып пост жазып койгон. Бир канча саат өтүп-өтпөй эле ага ай-күнүнө жетпей төрөлгөн баланы багып алган аял кайрылган.

Бир нече ай мурда Жина экинчи баласын төрөдү.

"Балам төрөлөр-төрөлгүчө чыдамсыздык менен күткөндөр болду. Өзүмдүн чүрпөмдөн артканын азыр дагы таратып жатам. Эне сүтүнө зар болгон балдар абдан көп экен. Мен аларга жардам бере алганым үчүн бактылуумун", — дейт келин.

Азыр ал өз баласы эмчектен чыкса дагы сүт өзү тартылып кеткиче муктаж болгондорго берип турам деген ойдо жүрөт.

Жаңылыктар түрмөгү
0