Хабибдин атасы Казакстан аркылуу АКШга виза алууга ниеттенүүдө

© Sputnik / Владимир Астапкович / Медиабанкка өтүүРоссиялык мушкер, беделдүү делген UFC уюмунун чемпиону Хабиб Нурмагомедовдун атасы Абдулманап Нурмагомедов. Архив
Россиялык мушкер, беделдүү делген UFC уюмунун чемпиону Хабиб Нурмагомедовдун атасы Абдулманап Нурмагомедов. Архив - Sputnik Кыргызстан
Жазылуу
Хабиб Нурмагомедовдун кийинки беттеши 2020-жылдын 18-апрелинде Нью-Йоркто өтөт. Спортчунун атасы уулу Тони Фергюсон менен беттешип жатканда, октагондун бурчунда кеңеш берип турууну пландоодо.

БИШКЕК, 6-дек. — Sputnik. Россиялык мушкер, беделдүү делген UFC уюмунун чемпиону Хабиб Нурмагомедовдун атасы АКШнын Казакстандагы консулдугу аркылуу Америкага виза алууга ниеттенүүдө. Бул туурасында ал RT телеканалына берген маегинде билдирди.

Абдулманап Нурмагомедов Америка Кошмо Штаттарына виза ала албай баласынын турнирлерине катыша албай келет.

Хабиб Нурмагомедовдун кийинки беттеши 2020-жылдын 18-апрелинде Нью-Йоркто (АКШ) өтөт. Анда мушкер америкалык Тони Фергюсон менен беттешип, чемпиондук наамын үчүнчү ирет коргомокчу.

"Виза алууга аракеттенип жатам. Документтер Казакстанга жөнөтүлдү. Мени качан чакырышат деп күтүп отурам. 22-декабрда Алматыда болом. Маектешүүдөн өтүп кетериме үмүттөнүп жатам", — деди Нурмагомедов.

Хабиб Нурмагомедов 7-сентябрда америкалык Дастин Порьени Абу-Даби шаарында жеңип, UFC уюмундагы жеңил салмак категориясы боюнча наамын экинчи ирет коргоп калган. Ал эми Фергюсон акыркы беттешинде техникалык нокаут менен Дональд Серронени жеңген.

Жаңылыктар түрмөгү
0