04:00 09 Теке 2020
Түз эфир
  • USD78.0266
  • EUR88.0062
  • RUB1.0953
Дүйнөдө
Кыскача шилтеме алуу
466201

Официанттын жумушка жөө келерин кардарлары капыстан эле билип калышкан. Мындан улам алар ага унаа белек кылууну чечишкен.

БИШКЕК, 3-дек. — Sputnik. Кафенин кардарлары жумушуна күн сайын барып, кайра келүү үчүн беш саат жөө баскан официантка унаа белек кылышканын Daily Mail басылмасы жазды.

Окуя Техас штатындагы Галвестон шаарында болгон. Адрианна Эдвардс аттуу кыз жумушка барып, кайра келүү үчүн жалпысынан 45 чакырымды басып өтүп, ага беш саат убакыт короткон. Ал автокөлүк сатып алууну көздөп акча чогултуп жүргөнү менен тапканы өзүнөн артчу эмес.

26-октябрь күнү эртең менен ал жубайларды тейлеген. Алар капыстан Эдвардс жумушка узак жолду басып келерин билип калышкан. Бир нече сааттан кийин түгөйлөр кызга 2011-жылы чыккан Nissan Sentra үлгүсүндөгү унаа алып келишкен. Эдвардс муну алгач тамаша деп ойлоп, көпкө чейин ишене алган эмес. А тургай терезеден автокөлүк турган-турбаганын кайра-кайра карай берген. Эми ал жумушка чейин жарым сааттык гана убактысын коротуп калды.

Ал эми жубайлар сыр бойдон калууну туура көрүп, кызга кийин башка бирөөгө жакшылык кылып коюуну суранышкан.

Тема боюнча

Москвадагы официант Эржан бокс боюнча Евразия чемпиону аталды. Спортчунун маеги
Нью-Йоркто официант 424 миң долларын унутуп кеткен аялга акчасын кайтарып берди
Белгилер:
АКШ, Техас, официант, жумуш, унаа, белек, жөө жүрүш

ЭҢ МААНИЛҮҮ