БИШКЕК, 29-сен. — Sputnik. Эквадордун борбору Кито шаарында балкондо сүйүү оюндары менен алектенип жаткан 28 жаштагы келин менен 35 жаштагы эркек жерге кулап түшүп, мүрт кетти. Бул тууралуу The Sun басылмасы жазды.
Окуя аял жашаган үйдө болгон. Ал жоро-жолдошторун чакырып, чакан кече өткөргөн. Эл тараган соң түгөйү менен балконго чыгып, көңүл ачууну чечишкен.
Сырттан бир нерсе кулаган сыяктуу катуу үн чыкканын уккан кошунасы аял менен эркектин жерде жатканын көргөн.
Полициянын маалыматына караганда, түгөйлөр балкондун кыры жапыз экенин элес албагандыктан кулап кетишкен.
Алар үй-бүлө же кыз-жигит экени айтылган эмес. Болгону келиндин сегиз жаштагы кызы жетим калганы белгилүү болду.
