Өлүмгө чейин алып барат! Рактан дагы коркунучтуу беш илдет аталды

© Sputnik / Григорий Сысоев / Медиабанкка өтүүЛаборатория кызматкери. Архив
Лаборатория кызматкери. Архив - Sputnik Кыргызстан
Жазылуу
Кооптуу делген кеселдин бири — "фибродисплазиянын күчөшү". Мында булчуң, тарамыш жана байламталар бара-бара сөөккө айланат. Аларды кесип салуудан дагы майнап чыкпайт.

БИШКЕК, 25-сен. — Sputnik. Дарыгерлер рактан дагы коркунучтуу, өлүмгө жеткирген беш ооруну тизмектегенин "Известия" жазды.

Билдирмеде эгер залалдуу шишиктерди баштапкы стадияларында айыктыруу мүмкүн болсо, ошол эле учурда жашап кетүүгө эч бир үмүт бербеген дагы дарттар кездешери айтылат.

Алардын бири — Крейтцфельдта-Чкоба оорусу же "уйдун кутурмасы". Илдет жүлүндү, баш мээни жана нервдин учтарын жабыркатат. Мындан улам бейтап көп нерсени сезбей калат.

Гипермаркет Лента в Великом Новгороде - Sputnik Кыргызстан
Деги эмне жейбиз? Дарыгер помидордун зыяндуулугун айтып берди
Экинчи орунда — фаталдык уйку качуу. Бул тукумдан берилген оору 7 айдан үч жылга чейин созулат. Анда оорулуу жок нерсени көрүп, угуп, санаа тартып жатып эле каза табат.

Кийинки сапта дарыгерлер оорулуу жаныбар тиштегенде, анын шилекейинен жуккан дартты коркунучтуу деп эсептешет. Эгер эки жума ичинде вакцинация албаса, кутурманын айынан адам жүрөктүн шалынан же дем алуунун кыйындашынан каза табышы ыктымал.

Дагы бир өлүмгө жеткирген оору — Марбургдун геморрагиялык калтыратмасы, аны "жашыл маймылдардын оорусу" деп жүрүшөт. Инфекция жабыркаган жана былжыр тери аркылуу кирет. Адамдын дене табы кескин көтөрүлүп, бир канча күндөн кийин ичи ооруйт, ал эми экинчи күнү бейтап инфекциялык-уулуу дендирөөдөн көз жумушу мүмкүн.

Кооптуу делген соңку кесел — "фибродисплазиянын күчөшү". Мында булчуң, тарамыш жана байламталар бара-бара сөөккө айланат. Аларды кесип салуудан дагы майнап чыкпайт.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0