БИШКЕК, 2-окт. — Sputnik. Белгисиз киши Лас-Вегас шаарындагы Mandalay Bay Casino казиносунун жанында жай тургундарга карата ок чыгарганын BBC телеканалы билдирди.
Полициянын маалыматы боюнча, кылмышкер кантри фестивалына катышып жаткан кишилерди көздөй аткан. Анын айынан 20дан ашуун киши каза болуп, 100гө чукул адам түрдүү жаракаттар менен ооруканага жеткирилген. Күбөлөрдүн айтымында, кылмышкер мылтыкты улам-улам алмаштырып аткан.
Аймактын шерифи аткылоо учурунда полициянын эки кызматкери набыт болгонун, элге ок чыгарган адам жок кылынганын кошумчалады.
May god protect the innocent. #lasegas #mandalaybay #shooting #vegas #casino #pray pic.twitter.com/DG5xjeijDB
— Space Trek9 (@spacetrek9) 2 октября 2017 г.
Интернетте кишилерге ок атылган учур тартылган видео жарыяланды. Анда көрүнгөндөй ок атылып жатканын күйөрмандар дароо түшүнгөн эмес.
Тасмадан чочуган кишилер коргонуу үчүн жерге жатып, баштарын колу менен жаап жатканын көрүүгө болот.
