19:16 02 Чын Куран 2020
Түз эфир
  • USD84.8988
  • EUR92.7010
  • RUB1.0895
Видео

Көз жабыркаса чемпионат бир тыйын экен! Улукбектин видеосу

Кыскача шилтеме алуу
1031710
© Sputnik / Эмиль Садыров

Индиядагы Азия чемпионатынан алтын байге уткан Улукбек Жолдошбеков Бишкекке көзү жакшы көрбөй келип түштү. Ал күрөшүп жатканда атаандашы көзүн жабыркатып койгонун айтты.

Жолдошбековду жана байге алган бир нече спортчуну  "Манас" эл аралык аба майданынан федерация өкүлдөрү, жакындары жана журналисттер тосуп алды.

Эркин күрөштү аркалаган балбан 23-февраль күнү финалда тажикстандык Мухамад Икромовду утуп, Азия чемпиону болгон.

Алгач балбанды көргөндөр жаракат алды деп ойлогон эмес. Ал аэропортто журналисттерге суроо бердирбестен абалын өзү түшүндүрдү.

Айтымында, экинчи айлампада ирандык балбан менен күрөшүп жатканда жаракат алган. Саламаттыгынан улам кийинки финалдардагы беттештерден баш тартууга туура келип, бирок кайра катышууга бел байлаган.

"Экинчи айлампада иран балбаны менен күрөшүп жатканда көзүмө колун тыгып жиберип, ичи айрылып кетти. Мелдештен чыгаралы деп, бирок агайлар бир айлампа күрөшүп көр дешти. Индус атаандаш менен кармашып, финалга чыктым. Ага да катыштырбай коелу дешти, бирок врачыбыз Бактыгүл Насыровна дары таап тамызып, бир аз жакшы болуп калып, финалда утуп алдым. Ушул беттеш мен үчүн абдан оор болду. Минтип көзгө жаракат алганда дүйнө чемпиону болобу, Азия чемпионаты болобу, бир тыйын болуп калат экен. Ошон үчүн эң биринчи ден соолук керек экен. Азыр ким, канча киши келди, жакшы көрбөй жатам", — деди ал.

Жолдошбеков учурда аны тосуп алгандарга, кубанычын бөлүшкөн элге, ата-энесине, үй-бүлөсүнө ыраазылык билдирди.

Улукбек эркин күрөштү аркалаган балбандын сап башы болуп келет. Ал былтыр 23 жашка чейинкилер арасында Азия жана дүйнө чемпионатын багындырган. Ошондой эле бир катар эл аралык турнирлердин жеңүүчүсү.

Күрөштүн түрлөрү боюнча Азия биринчилиги 18-23-февраль күндөрү Нью-Дели шаарында өттү. Мелдеште Кыргызстандын улуттук курама командасы 11 медаль багындырды. Анын экөө алтын, үчөө күмүш жана алтоо коло.

Тема боюнча

КР балбаны Азат Салидинов Азия чемпионатынан күмүш байгелүү болду
Кыргыз күрөштүн балбандары Көчмөндөр оюнуна жолдомо алуу үчүн мелдешет
Белгилер:
көз, жаракат, Азия чемпионаты, Улукбек Жолдошбеков, Кыргызстан

Дагы видео

ЭҢ МААНИЛҮҮ