Футбол талаасына чуркап чыккан иттин ич жылыткан видеосу

Жазылуу
Түркияда футбол беттеши болуп жаткан учурда оюн талаасына чуркап чыккан ит калыстар баштаган бир топ кишилерди убарага салса, көрүүчүлөрдүн суктантып, ичин жылытты. 

 Жылмаюу тартуулаган видео "beIN Sports" YouTube каналына жарыяланган.

Окуя Түркиядагы "Фатих Кара гүмрүк" жана "Гиресун" клубдарынын беттешинде – биринчи лига учурунда болгон.

Болельщик, который выбежал на поле во время футбольного матча Кыргызстан — Мьянма в рамках отборочного раунда ЧМ-2022 в Бишкеке - Sputnik Кыргызстан
FIFA талаага чуркап чыккан күйөрман үчүн КРге кандай жаза берүүнү чечти
Оюнчулар эки тарап болуп туруп, жаңыдан гана топ тепкенге камынганда эл отурган тараптан лабрадор тукумундагы ит талаага, дал футболчулардын жанына чуркап чыккан. Баары аңдып турган топту андан ары тоголотуп, куйругун шыйпаңдатып, кишилерге бербей талаша баштаган. Калыстардын аны тартипке чакырабыз деген аракети майнапсыз болгон. Спортчулардын бири топту оюн талаасынын четин көздөй тепкенде ит анын артынан чуркап кетип, бирок кайра топту тиштеп келе жатканын көрүүгө болот. Абалды командалардын биринин капитаны оңдоп кеткен. Лабрадорду алаксытып туруп, кармап алып, андан соң көк майсаңдан көтөрүп чыгып кеткен. Көрүүчүлөр тараптагы темир тордун ары жагына киргизип жиберген да өзү командасына кайтып келген.

Оюн талаасына ит эле эмес, кишилер, ал тургай жылаңачтанган аялдар да чуркап чыккан учурлар кездешип келет. Маселен, буга чейин модель кыздын биринчи таймда талаага чуркап чыга калып, "Ливерпуль" менен "Тоттенхэмдин" оюнун үзгүлтүккө учураткан видеосу тараган.

Жаңылыктар түрмөгү
0