19:22 02 Теке 2020
Түз эфир
  • USD78.7872
  • EUR89.0098
  • RUB1.1172
Видео

"Ухань, чыда, кайрат кыл!". Кыргызстандык кыз вирус тараган жерден видео жөнөттү

Кыскача шилтеме алуу
Коронавируска байланыштуу Кыргызстандагы кырдаал (1704)
594010
© Sputnik

Кыргызстандык студент Алтынай Sputnik агенттигине Кытайдын Ухань шаарында болуп жаткан кырдаалдын эксклюзивдүү кадрларын салды. Ал карантин деп жабылган шаардын тургундары бири-бирине дем берүү үчүн флешмоб өткөргөндүгүн видеого түшүргөн.

Sputnik, Мария Науменко

Ошондой эле медиктердин атайын тобу тез жардам унаасына коронавирус жугузуп алышы мүмкүн деген аялды салып жаткан учурду тартып алган.

"Коронавирустун белгилери билинсе бейтаптарды тез жардам унаасы алып кетет. Атайын форма кийген дарыгерлер оорулууну медициналык жайларга жеткиришет. Бейтапканага өз алдынча келүү сунушталбайт. Себеби ал жактан вирусту жугузуп алуу коркунучу жогору", — деди кыргызстандык.

Студенттин айтымында, Ухань шаарын күн сайын дезинфекциялап жатышат.

"Ар бир турак жай комплексин, дүкөндөрдү, айтор, бардык жерди тазалап жатышат. Дезинфекциядан кийин кайсы күнү жана кайсы убакта тазалоо жүргүзүлгөндүгү тууралуу маалымдаган барак таштап кетишет. Жатаканада жашаган чет элдик студенттерге бет кап, бактерияга каршы каражаттарды жана термометрлерди бекер таратышууда. Айрымдарына тамак-аш алып келип берип жатышат", — деди Алтынай.

Жалпысынан кыргызстандык кыз шаардагы жагдайды "тынч, эч кандай дүрбөлөң жок" деп баалады. Бирок адатта эл көп топтолгон көчөлөрдө кишилер аз жана унаалар дээрлик жок экендигин билдирди.

"Эл зеригип кетти, бара турчу жер жок. Коомдук жайлардын бардыгы жабык болгондуктан үйлөрүндө отурушат. Тамак-аш саткан дүкөндөр кечки саат бешке чейин эле иштейт", — деп белгиледи студент.

Ал жакында эле шаарда флешмоб болгонун да айтып берди. Анда жашоочулар бири-бирине дем берүү үчүн терезеден "Ухань, чыда, кайрат кыл!" деп кыйкырышып, анан ырдашкан.

Алтынайдын айтымында, турак жайдын айрым ээлери батирге чыккандардын төлөмүн албай койгон учурлар болууда. Себеби алар карантин убагында иштеп акча тапканга мүмкүнчүлүк жок экендигин билишет.

Кытай бийлиги 2019-жылдын 31-декабрында Дүйнөлүк саламаттык сактоо уюмуна өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус 2019-nCoV экендигин аныктаган.

Соңку маалыматтар боюнча, оорудан 170 адам каза тапты.

Коронавирус Кытайдан тышкары Түштүк Корея, Камбоджа, БАЭ, Япония, АКШ, Таиланд, Канада, Вьетнам, Сингапур, Непал, Франция, Австралия, Малайзия, Германия жана Шри-Ланкага жетти.

Тема:
Коронавируска байланыштуу Кыргызстандагы кырдаал (1704)

Тема боюнча

Кытай бийлиги коронавирустун жайылышы кайсы айда токтой турганын айтты
Коронавирустан бир сутка ичинде 38 адам каза болуп, оору Тибетке жетти
Коронавирус Кыргызстанга жетти деп уу-дуу түшүргөн жигит элге кайрылды. Видео
Кытайда коронавирустан дарылануудан баш тарткандар кылмышкер деп эсептелет
Белгилер:
видео, коронавирус, студент, кыргызстандыктар, Ухань, Кытай

Дагы видео

ЭҢ МААНИЛҮҮ