12:49 22 Бирдин айы 2020
Түз эфир
  • USD69.8500
  • EUR75.5323
  • RUB1.0863
Видео

Баары экөөбүздүн колубузда эле... Жээнбеков Атамбаев тууралуу айтты. Видео

Кыскача шилтеме алуу
55201
© Sputnik / Эмиль Садыров

Мамлекет башчы Сооронбай Жээнбеков мурдагы президент Алмазбек Атамбаевге болгон азыркы көз карашы тууралуу учкай айтып берди. Анда ал экөөнүн ортосунда чечиле турган маселе  чиеленип келип, кырдаалга кептегенине токтолду.

Жээнбеков башында Атамбаев ага карата канча сөз айтса да унчукпаганын белгилеп, себеби элдин тынчтыгы, мамлекеттин бүтүндүгү абийиринен дагы бийик турарын билдирди.

"Өзүңөр көрдүңөр, кандай сөз айтылса дагы көңүл бурган жокмун. Мамлекетти экиге бөлгөнгө чейин барып, бийликти басып алууга чакырыктар болуп жатты. Мен токтоор деп күттүм, бирок аягында мени дагы, өзүн дагы, мамлекетти дагы туңгуюкка кептеп салды. Эми бардыгы мыйзам чегинде чечилет. Азыр менин колумда эмес, ага чейин экөөбүздүн колубузда эле, азыр өтүп кетти", — деди президент.

Ошондой эле ал Атамбаевдин аракетине парламент дагы саясий баа бергенин билдирди. Деген менен ушундай кырдаалдын жаралышына жүрөгү ооруп турганын жашырган жок.

"Албетте, буга менин жүрөгүм дагы ооруйт, ойлоном. Мага да оңой эмес. Мен бир ууч кишинин кызыкчылыгын коргобой, мамлекеттин, элдин кызыкчылыгын коргоого өттүм", — деди Жээнбеков.

Эскерте кетсек, күч түзүмдөрү ушул жылдын 8-августунда мурдагы президент Алмазбек Атамбаевдин Кой-Таштагы үйүнөн кармап келген. Учурда ал ондон ашык кылмышка айыпталып жатат.

Тема боюнча

Президент Садыр Жапаровго ырайым кылуу маселеси боюнча оюн айтты
Жээнбеков: мага президенттик бир эле мөөнөт жетишет
Жээнбеков мугалимдин айлыгын депутаттыкы менен кантип теңээрин айтты. Видео
Белгилер:
кармоо, президент, Алмазбек Атамбаев, Сооронбай Жээнбеков

Дагы видео

ЭҢ МААНИЛҮҮ