Жаш жигит Кырчындан бактысын таап, өзгөчө той өткөрдү. Видео

Жазылуу
Муну жөн гана оюн-зоок деп ойлосоңуз жаңыласыз. Сиз көргөн жубайлар чынында эле баш кошушту.

Кырчын этно-шаарчасында XIX кылымдагы кыргыздардын салты боюнча үлпөт той өттү. Үйлөнгөн жигит III Дүйнөлүк көчмөндөр оюнунун уюштуруу катчылыгынын инфраструктура боюнча координатору Союзбек Надырбеков. 

Анын кесиптеши Таалайбек Бердиевдин айтымында, бул дагы программадагы театралдаштырылган оюн-зооктордун бири болчу. 

"Биз XIX кылымда кыргыздар кандай үлпөт той өткөргөнүн жана кандай салт-санааларды колдонгонун азыркы тойлордон эмнеси менен айырмаланарын көрсөткүбүз келди. Бул көбүнө жагымдуу маанай тартуулап, жакшы таасир калтырды деп ишенебиз. Анан да мунун баары жөн гана оюн-зоок эмес чыныгы үлпөт экени кубандырат", — деди Бердиев. 

Эки мүнөт болсо да Кырчынга барып келиңиз. Видео - Sputnik Кыргызстан
Эки мүнөт болсо да Кырчынга барып келиңиз. Видео
Кырчын этно-шаарчасы 3-сентябрда ачылган. Уюштуруучулардын маалыматы боюнча бул жерге миңден ашуун боз үй тигилген. Ажайып кыргыз айылын эки мүнөттүн ичинде көргүңүз келсе бул жакка баш багыңыз

Бул жакка Кыргызстандын жети дубанынан өкүлдөр келди. Ар бир аймак үчүн атайын өзүнчө жер бөлүнгөн. Ошондой эле "Бишкек ордо" менен "Ош ордо" дагы бар. Этно-шаарчанын коноктору үчүн оюн-зооктор өтүп жатат.

Кырчындагы иш-чаралар Көчмөндөр оюндары аяктаганча — 8-сентябрга чейин уланат.

Жаңылыктар түрмөгү
0