13:35 10 Бештин айы 2018
Түз эфир
  • USD69.8499
  • EUR79.4752
  • RUB1.0437
Видео

Алп эркектер! Бул эки сумочунун бири Көчмөндөр оюнуна катышат. Даярдык видеодо

Кыскача шилтеме алуу
Көчмөндөрдүн дүйнөлүк III оюндары (211)
148640
© Sputnik / Эмиль Садыров

Быйыл биринчи жолу Көчмөндөр оюндарынын программасына сумо кирди.

Кыргызстандын сумо боюнча көзгө басар балбандары Алмаз Эргешов менен Тилек Усупов күздө өтө турчу Көчмөндөр оюндарына кантип даярданып жатканын көрсөтүп берди.

Эки спортчу тең КРдин көп жолку чемпиону, Азия чемпионатынын коло байге ээси, дүйнө биринчилигинде бешинчи орунга ээ болушкан.

Сумо десе эле алп балбандарды элестетебиз, андыктан спортчулардын салмагын белгилеп кетпесек болбойт. 38 жаштагы Эргешовдуку 180 килограмм болсо, 46 жаштагы Тилек Усуповдуку 130 килограмм.

Кыргызстандын Сумо федерациясынын башкы катчысы Адил Шайхидиновдун айтымында, Көчмөндөр оюнунда сумо боюнча ар бир мамлекеттен бирден гана спортчу катышат.

Ошол себептен алдыда боло турчу маанилүү мелдештерден кийин Алмаз Эргешов менен Тилек Усуповдун бири тандалат.

"Көчмөндөр оюнунун жобосу боюнча "ачык салмак" каралган, мындайча айтканда, салмакка чектөө жок. Бирок бир мамлекеттин атынан бир спорту машыктыруучусу менен гана келе алат. Биздин спортчулардын мыктысын ушул айда боло турчу Азия жана дүйнө чемпионатынын жыйынтыгынын негизинде чечебиз. Даярдыктары мыкты", — деди Шайхидинов.

Ошондой эле башкы катчы Көчмөндөрдүн программасындагы сумо спорт ышкыбоздору арасында өтө тургандыгын кошумчалап, мавасинин (сумочулардын чаттан өткөрүлүп белден байланган салттык формасы) ичинен кара трекса (чолок шым. — ред.) кийүүгө боло тургандыгын айтты. Мындан сырткары, калыстар кимоно эмес, ак түстүү көйнөк, шым жана кол кап кийип тейлешет.

Тема:
Көчмөндөрдүн дүйнөлүк III оюндары (211)

Тема боюнча

Сулуулар артыңыздан чуркап калат! Чымыр денелүү машыктыруучудан мастер-класс
Орзубек Назаров рингдеги сырын ачты. Кайталангыс мастер-класстын видеосу
Белгилер:
сумо, салмак, видео, алп адам, Спорт, III Дүйнөлүк көчмөндөр оюндары, Кыргызстан
Колдонуу эрежелериПикирлер

Дагы видео

ЭҢ МААНИЛҮҮ