19:32 19 Аяк оона 2019
Түз эфир
  • USD69.8488
  • EUR77.2458
  • RUB1.0877
Видео

Алты айдан кийин өлөсүң дешти. "Тазалыкта" иштеген жумушчунун баяны

Кыскача шилтеме алуу
292910
© Sputnik / Эмиль Садыров

Дарыгерлердин айтымында, "Тазалык" муниципалдык ишканасынын кызматкери Жеңишбек Касымовдун алты айлык эле өмүрү калды. Ал боордун альвеококкоз дартына чалдыккан. Эки жыл мурда хирургдар паразитти алып чыгууга аракет кылышканы менен майнап чыккан эмес, анткени ал кан-тамырларга кирип кеткен. Андан бери Касымов дарынын жардамы менен жашап келет.

Бир ай мурда Жеңишбектин саламаттыгы начарлап кеткен. Дарыгерлер паразиттер көбөйүп, дарыга дагы туруштук берип калганын айтышууда. Алты айдын ичинде ага операция жасалышы керек. Боорду алмаштыруу 45 миң долларды чапчыйт. Жеңишбек Касымов алты жылдан бери таштанды чыгаруучу болуп иштейт. Айлыгы 25 миң сомдон ашпагандыктан, кымбат операция жасатууга чачма-чаркы чак. 

Сотрудник МП Тазалык Женишбек Касымов, болеющий смертельно опасной болезнью
© Sputnik / Табылды Кадырбеков
Жеңишбек Касымов "Тазалык" ишканасында иштейт

"Бул үй-бүлөм үчүн көп каражат. Айлыгым 20-25 миң сом, ипотекам да бар, үч баланы да багыш керек. Насыя алганыма бир жыл эле болгондуктан үйүмдү да сата албайм. Аялым балдар менен үйдө, иштебейт. Акчаны таппай калам деп ойлогондо жүрөгүм түшөт", — деди ал.

Касымовдун үч баласы бар. Улуу баласы 4-классты аяктайт, кызы үч жашта, кичүү уулу алты айлык. Үй-бүлөсүн Жеңишбек гана багат, учурда ден соолугунан улам ооруканада. Муниципалдык ишкананын кызматкерлери маянасынан Жеңишбекке жардам катары 6 миң доллар чогултуп беришкен. Дагы төрт миң доллар кайдыгер эмес жарандардан келген. 

Сотрудник МП Тазалык Женишбек Касымов, болеющий смертельно опасной болезнью
© Sputnik / Табылды Кадырбеков
Касымовдун үч баласы бар. Улуу баласы 4-классты аяктайт, кызы үч жашта, кичүү уулу алты айлык

"Тазалык" ишканасынын маалымат катчысы Жибек Каракееванын айтымында, эгер Жеңишбек керектүү каражаттын баарын тапса Airmanas авиакомпаниясы операция жасалчу өлкөгө бекер алып-барып келүүгө макул болгон.

Жеңишбекке эки бир тууганы донор болууга даяр.

Дарыгерлердин айтымында, Жеңишбек алты айга чейин, башкача айтканда, 2018-жылдын августуна чейин операция жасатууга үлгүрүп калышы кажет.

Тема боюнча

Өзбекстанда биринчи жолу операция жолу менен боор алмаштырылды
Эки балалуу болгондон кийин күйөөм таштап кетти... Майып келиндин арманы
Гемодиализдеги балдар, "бөйрөгүмдү берем" деп карайлаган ата-эне...
Белгилер:
донор, жардам, медицина, МП "Тазалык", Жеңишбек Касымов

Дагы видео

ЭҢ МААНИЛҮҮ