Чехияда Facebook баракчасында түз эфир жасап жаткан кыздар жол кырсыгына кабылды. Анын кесепетинен бирөө каза болгон. Жол кырсыгы тартылып калган авария YouTube сайтына жарыяланды.
Видеодон кыздардын катуу ылдамдык менен баратканын көрүүгө болот. Кырсык болгон учурда жүргүнчү кыздын колунан телефону түшүп кеткен. Бирок уюлдук аппараттын камерасы иштеп турган.
The Mirror басылмасынын билдиришинче түз эфирди Николь Барабасова жасап, курбусу машинаны айдап бараткан.
Алар саатына 120 чакырым менен жүрүп, жол четиндеги тосмого урунган. Бул кырсыктан жүргүнчү каза болуп, айдоочу кыз оор абалда ооруканага жаткырылган.
Ушундай эле жол кырсыгы Харьков шаарында дагы катталган. Анда эки кыз мас абалында Instagram баракчасына түз эфир жасап жатып, жол кырсыгына кабылып мерт кетишкен.
