БИШКЕК, 25-апр. — Sputnik. Көчөдө туруп түз эфирде сүйлөп жаткан Кытай телеканалдарынын биринин алып баруучусуна чагылган тийген. Бул тууралуу South China Morning Post гезити жазып чыкты.
Маалым болгондой, окуя Dalian TV телеканынын түз эфири учурунда болгон. Анда Лу Сяо аттуу алып баруучу күн күркүрөп, чагылган чартылдап жатканда аба-ырайы тууралуу айтып жаткан.
"Жэньминь жибао" гезити өзүнүн Youtube каналына жарыялаган видеосунда көрүнүп тургандай эфир учурунда катуу жарык болгондо диктор кыйкырып, кол чатырын ыргытып жиберген. Мындан улам чагылган түштү деген божомол болгон. Кийин алып баруучу видеонун жузуусун кайталап көргөндө чагылган катуу түшкөнүн байкаган.
