"Барселона" Мессинин рекорддорун жана тарыхый жетишкендиктерин жарыялады

© REUTERS / SERGIO PEREZАргентиналык футболчу Лионель Месси. Архив
Аргентиналык футболчу Лионель Месси. Архив - Sputnik Кыргызстан, 1920, 06.08.2021
Жазылуу
"Барселона" клубу командадан кетип жаткан экс-капитаны Лионель Мессинин ийгиликтерин тизмектеп чыгарды. Анда футболчунун дүйнөлүк деңгээлдеги жетишкендиктери камтылган.

БИШКЕК, 6-авг. — Sputnik. "Барселона" футбол клубу чабуулчу, аргентиналык Лионель Мессинин командада ойногон 17 жылдык карьерасында жетишкендиктерин жарыялады. Бул тууралуу клубдун расмий сайтына таянып Р-Спорт жазды.

Каталониялык клубдун маалымат кызматы экс-капитан дүйнөлүк да, клубдун деңгээлинде да көптөгөн рекорддорду жасаганын белгилеген.

Дүйнөлүк рекорддорунун ичинде Месси оюнчу катары бир сезондо "Алтын топту", "Дүйнөнүн мыкты оюнчусу", "Алтын бутса" жана "Ла-Лиганын (Испания чемпионат) мыкты бомбардири" наамдарын уткан ааламда жападан жалгыз футболчу болгонун белгилейт. Мындай жетишкендик 2009-2010 жылдардагы сезондо катталган.

Барселона футбол клубунун чабуулчусу Лионель Месси. Архив - Sputnik Кыргызстан, 1920, 02.05.2021
Жаңы рекорд! Мессинин 644-голун киргизгенде кийген бутсасы 143 миң еврого сатылды
"Алтын топ" сыйлыгын Месси тарыхта эң көп, алты жолу, уткан. Ал мындай бийиктикке эң жаш куракта жеткен футболчу катары да тарыхта калды.

Аргентиналык футболчу бир жылда эң көп гол киргизген чабуулчу катары ысымын тарыхта калтыра алды. 2012-жылдагы календарлык сезондо ал жалпысынан 91 гол киргизген.

Месси Испания чемпионатынын алкагында да көптөгөн рекорддорду жараткан. Чемпионаттагы эң мыкты бомбардир, удаасы менен көп оюнда гол киргизген жана Ла Лигада эң көп жеңишке жеткен футболчу болуп саналат. Ал ошондой эле, бир сезондо эң көп гол киргизген жана голго ассистенттик кылган оюнчу болууга жетишкен.

Месси "Барселонада" да көптөгөн рекорддордун ээси экени маалыматта айтылган. Аргентиналык футболчу "Барселонанын" курамында көп жолу, расмий маалымат боюнча, 778 беттеште ойногон. Легендарлуу оюнчу аталган клуб менен 35 титулду уткан. Барселона үчүн 672 гол киргизип, 305 голдук пас берген.

Месси клуб үчүн 200 гол киргизген эң жаш оюнчу. Ошондой эле ал УЕФАнын Чемпиондор лигасы мелдешинде эң көп гол киргизген "барселоналык" оюнчу болуп эсептелет.

Жаңылыктар түрмөгү
0