Жоламан Шаршенбеков Азия чемпионатында күмүш медаль тагынды. Видео

© Sputnik / Табылды КадырбековКыргызстандык белгилүү балбан Жоламан Шаршенбеков. Архив
Кыргызстандык белгилүү балбан Жоламан Шаршенбеков. Архив - Sputnik Кыргызстан
Жазылуу
Шаршенбеков килем бетинде 60 килограмм салмакта күчүн сынады. Ал Кыргызстандын тарыхында күрөш боюнча чоңдор арасындагы Дүйнө чемпионатында күмүш медаль алган экинчи кыргызстандык болуп саналат.

БИШКЕК, 19-фев. — Sputnik. Кыргызстандык белгилүү балбан Жоламан Шаршенбеков чоңдор арасындагы Азия чемпионатынын финалында утулуп калды. Мелдеш түз эфирден UWW сайтында көрсөтүлдү.

Посмотреть эту публикацию в Instagram

Публикация от Olympic Wrestling (@unitedworldwrestling)

Турнир ушул тапта Нью-Дели шаарында болуп жатат. Кечээ, 18-февралда, башталган мелдеш 23-февралда жыйынтыкталат.

Кыргыз күрөшү. Архив - Sputnik Кыргызстан
Кыргыз күрөштүн балбандары Көчмөндөр оюнуна жолдомо алуу үчүн мелдешет
Шаршенбеков килем бетинде 60 килограмм салмакта күчүн сынады. Ал финалга чейинки кармаштарында казакстандык, монголиялык жана ирандык балбандарды уткан. Ал эми алтын байге үчүн мелдеште япониялык Кеничиро Фумитага 0:4 упай эсебинде жеңилип калып, күмүш медаль алмай болду.

Жоламан Шаршенбеков Кыргызстандын тарыхында күрөш боюнча чоңдор арасындагы Дүйнө чемпионатында күмүш алган экинчи кыргызстандык спортчу. Биринчи ирет 2006-жылы Канат Бегалиев гана ээ болгон.

Ушул эле турнирде дагы бир кыргызстандык балбан Руслан Царев 72 килограмм салмактагылар арасында коло алды.

Кечээ, 18-февралда, Азия чемпионатынын биринчи күнүндө курама команда бир күмүш жана эки коло медаль уткан.

Жаңылыктар түрмөгү
0