19:25 09 Бештин айы 2019
Түз эфир
  • USD69.8500
  • EUR77.2820
  • RUB1.0961
Кыргызстандын футбол боюнча курама командасы. Архив

Япония менен Тажикстанга каршы ойной турган КР футболчуларынын тизмеси

© Фото / пресс-служба ФФКР
Спорт
Кыскача шилтеме алуу
Кыргызстан — Тажикстан командаларынын 2019-жылдагы беттеши (19)
255 0 0

Алдыдагы оюндарга катыша турган команданын курамында 22 оюнчу бар. Дагы эки футболчу жаракат алгандыгына байланыштуу командага жардам бере албайт.

БИШКЕК, 6-ноя. — Sputnik. Кыргызстандын Футбол федерациясы 2022-жылы өтө турган дүйнө чемпионатынын тандоо турунун алкагында өтө турган оюнга чыкчу курамды жарыялады.

Япония менен Тажикстанга каршы беттеш борбор калаадагы Дөлөн Өмүрзаков атындагы стадиондо 14 жана 19-ноябрда өтөт.

Дарбазачылар: Валерий Кашуба, Павел Матяш, Кутман Кадырбеков (бардыгы "Дордой" клубунан);

Коргоочулар: Валерий Кичин ("Динамо-Минск", Белоруссия), Виктор Майер ("Виденбрюк", Германия), Азамат Байматов, Александр Мищенко, Мустафа Юсупов ("Дордой"), Тамирлан Козубаев (ПКНС, Малайзия), Акрамжон Умаров ("Алай");

Жарым коргоочулар: Одилжон Абдурахманов ("Алай"), Алимардон Шукуров ("Болуспор", Түркия), Ахлидин Исраилов (клубда эмес), Бахтияр Дүйшөбеков ("Башундхара Кингз", Бангладеш), Эдгар Бернхардт ("Кедах", Малайзия), Муролимжон Ахмедов, Фархат Мусабеков, Бекжан Сагынбаев, Жыргалбек уулу Кайрат ("Дордой"), Гүлжигит Алыкулов ("Неман", Белоруссия).

Чабуулчулар: Виталий Люкс ("Ульм 1846", Германия), Мирлан Мурзаев ("Дордой").

Жарым коргоочу Айзар Акматов ("Дордой") менен Турсунали Рустамов ("Худжант", Тажикстан) жаракат алганына байланыштуу командага жардам бере алышпайт.

Ушул эле курам Өзбекстан менен 9-ноябрда Ташкентте достук беттеш өткөрөт.

Баса, үйдө өтө турган оюндарга күйөрмандар келер-келбеси азырынча белгисиз. Себеби Футбол федерациясы FIFA уюмунун дисциплинардык уюмунун комитетинин чечимин күтүп жатат.

10-октябрда Кыргызстан — Мьянма командаларынын оюну учурунда талаага бир күйөрман чуркап чыгып, футболчулар менен учурашып кирген. Анын айынан федерацияга айып салынып, стадиондо болчу оюндарды күйөрмансыз өткөрүү талабы коюлушу ыктымал болуп жатат.

2015-жылы дагы FIFA КР федерациясын 28 миң долларлык айыпка жыккан. Буга талаага чуркап чыккан фанат, трибуналардын ашыгы менен толушу жана күйөрмандардын бактарга чыгып оюн көргөнү себеп болгон.

Тема:
Кыргызстан — Тажикстан командаларынын 2019-жылдагы беттеши (19)

Тема боюнча

Футбол: Япония жана Тажикстан менен болчу беттештер күйөрмансыз өтүшү мүмкүн
Эки футболчу жаракат алып, Япония менен Тажикстанга каршы ойной албай калды
Белгилер:
дүйнө чемпионаты, футбол, Кыргызстан

ЭҢ МААНИЛҮҮ