БИШКЕК, 23-дек. — Sputnik. Бүгүн Бишкектеги Кааба уулу Кожомкул атындагы спорт сарайында бокс боюнча жаштар арасындагы өлкө чемпионаты аяктайт. Бул тууралуу Жаштар иши жана дене тарбия агенттигинен билдиришти.
Ага ылайык, мелдеште 2001 жана 2002-жылкы балдар күч сынашууда. Алар өлкөнүн жети облусу менен Бишкек жана Ош шаарларынан келишкен.
Турнир 20-декабрда башталган.
Жаш мушкерлер 46-49, 52, 56, 60, 64, 69, 75, 81, 91 жана 91 килограммдан жогорку салмак категориялары боюнча күч сынашат.
Ал эми кыздар 45-49, 57, 64, 69 жана 75 килограмм салмак категориясы боюнча мелдешке чыгат.
Жалпысынан Кыргызстандын чемпионатына 111 спортчу катышууда. Алардын төртөө кыздар.
Байгелүү орундарды алгандар диплом жана медалдар менен сыйланат.
Турнирди өткөрүүгө олимпиадалык спорттун түрлөрү боюнча дирекциядан 54 миң сом каралган.
