БИШКЕК, 22-дек. — Sputnik. ММА боюнча кыргызстандык мушкер Рафаэль Физиев Алматыда өткөн эл аралык турнирде казакстандык Нуржан Туткаевди утуп алды.
Профессионалдар арасындагы Titan FC 51: The Battle of Kazakhstan беттеши 21-декабрда өттү. Titan FC уюму UFC уюмунун өнөктөшү болуп саналат.
Мелдеште Физиев үстөмдүгүн көрсөтүп, экинчи раундда атаандашын буту менен боорго тээп нокаутка кетирген.
Rafael Fiziev gets the W via bodykick and remains undefeated at #TitanFC51! pic.twitter.com/IUgrW2BI0H
— UFC FIGHT PASS (@UFCFightPass) 21 декабря 2018 г.
TITAN FC уюмунун турнирин UFC Fight Pass түз алып көрсөтүп, Физиевдин жеңишинин видеосун Twitter баракчасына жарыялады. Анда Физиев атаандашын нокаут менен жеңгенден кийин Кыргызстандын желегин көтөрүп чыккан.
Рафаэль Физиев ММАнын профессионалдык мелдешине алты ирет чыгып, бир дагы жеңилген эмес.
